منتدى قصر البخاري الرياضي
أهلا وسهلا بك زائرنا الكريم في منتدى قصر البخاري الرياضي انتى غير مسجل يرجى التسجيل


منتدى يهتم بشؤون الرياضة خاصة و بعض المجالات الاخرى
 
الرئيسيةاليوميةس .و .جبحـثالتسجيلدخول
للتواصل معنا زوروا صفحتنا على الفيسبوك اضغط هنا    @      للاستماع لراديو مدينة قصر البخاري  اضغط هنا  @

شاطر | 
 

 من أروع النكت الجزائرية

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Gerrard
مشرف
مشرف
avatar

عدد المساهمات : 138
نقاط : 247
تاريخ التسجيل : 24/03/2010
العمر : 28

مُساهمةموضوع: من أروع النكت الجزائرية   الأربعاء أبريل 07, 2010 1:30 am

من أروع النكت الجزائرية والمغربية لسنة 2009 :::: 35 نكتة ::::
السلام عليكم ورحمة الله

1-
هذا واحد السيد سامط دايما يروح للفرمسيان (الصيدلي) يقولو عندك نعناع يقولو ماعنديش
غدوة من ذاك كيف كيف يقولو ماعنديش
خطرة الفرمسيان قال والله نجيبلو النعناع
غدوة من ذاك جا ليه السيد قالو عندك النعناع قالو إيه عندي
قالو سبحان الله جامي شفت فرمسيان يبيع النعناع
2-
هذي عائلة الكل مايسمعوش مليح ،
الولد قال لباباه : راني حاب ناكل الخيار
باباه قال ليماه : يا مرا وليدك راهو حاب دينار
يماه قالت لختو : يابنتي خوك راهو حاب يلعب القمار
ختو قالت لجداها : جدة ، ماما دخللها في رجلها مسمار
الجدة قالت : هذا ما بقى ،خص غير تخرجوني مالدار
3-
واحد قروي ركب في طاكسي مع زوجتو وركبها مالقدام علاه ؟
باش مول الطاكسي ما يبقاش يشوف فيها في المرايا

4-
واحد كسول راح للحلاق قعد في الكرسي وهبط راسو، قالو الحلاق تحلق شعرك ولا لحيتك ، قالو لحيتي ،قالو طلع راسك ، قالو مالا شعري

5-
غبي يتكلم أمام المروحة علاه ؟ باش يتكلم على الهواء مباشرة

6-
بخيل نام روحو يصدق ، كي ناض حلف مايزيدش يرقد

7-
واحد طول حياتو هو ياكل في اللوبيا وما يقولش بسم الله ، واحد النهار خرج ليه الشيطان قالو انت عمرك ماتغلط وتقول بسم الله؟

8-
واحد راح للحانوت قالو عندك السكر؟ قالو إيه ،قالو الله يشافيك

9-
واحد يحب النوم بزاف ،شرى سريرين باش يشبع نوم

10-
بخيل قال لولادو كي تنجحو في القراية نديكم تشوفو أطفال ياكلو لاكريم

11-
واحد دايما يروح لمول القهوة يقولو عندك قهوة باردة يقولو ماعنديش ، وغدوة منذاك كيف كيف ، ومبعد قال والله غير انوجدلو قهوة باردة
كي وجدهالو جا ليه ، قالو عندك قهوة باردة ، قالو إيه ، قالو سخنها وجيبهالي

12-
واحد كان راكب في سيارتو مع ولادو، عقبو على مسبح سقساه وليدو واش هذا؟ قالو والله مانعرف،زادو عقبو على ناطحة سحاب قالو واش هذا ، قالو والله مانعرف ،زادو عقبو على ملعب قالو واش هذا ، قالو والله مانعرف ، قالتلو يماه اسكت راك عييت باباك ،قاللها خليه يسقسي باش يتعلم


13-
قالك مرة عجوزة دخلت القهوة قالتلوا ولدي قداه القهوة قالها 10دج قالتلوا والسكر قالها باطل قالتلوا حطلي زوج كيلوا...........


14-
قالك خطرا جماعة مزاطيل داهم الطبيب للبحر مالا دخلوا بكل للبحر يعومو غير واحد باقي علي الشط ويشوف مع لبحر جاه الطبيب حاطوا صحا قالوا واش راك دير .....قالوا راني نخمم كون جا هاد لبحر جاري واش يكفيه من خبز........
15-
قالك خطرا جزايري وياباني وماريكاني جابولهم وحد الكمبيوتر وقالولهم الي يكوديه يدي الجائزة ...جاء الياباني خربش خربش والوا زاد جا ماريكاني خربش خربش والوا ...كي جا جزايري كتب زوج كلمات اتحرق الميكرو قالولوا يا خويا يرحم باباك واش كتبت قالهم درتلوا مسالة...ارض طولها 90متر عرضها 60متر كم عمر الفلاح........
16-
قالك واحد غبي بزاف جا يرمي روحوا جاه واحد قالوا اتقي مولاك درك نسالك لاكان جاوبت راك ماكش غبي ....قالوا شكون ربح في غزوة بدر...قالوا المؤمنين ...قالوا شت راك ماكش غبي زاد سقساه شكون الي ربح في نصف نهائي البارصا ولا شيلسي قالوا البارصا قالوا وشكون طاحوا في النهائي....قالوا البارصا والمؤمنين......رما روحوا السيد الي جا سقساه............
17-
واحد بنى جامع كي شاف فيه الغاشي ردها قهوة
18-
امراة عجبها الحال تزوجت به
19-
واحد مريض بقلبوا بدللولو قلب نتاع بلاستيك عشق في بسينة

20-
قالكم مرة فار .... قالولو واشن هي الأمنية نتاعك في المستقبل ......قالهم حاب نكون لاسوري نتاع لوغديناتور

21-
مزطول يقول لصاحبو :شي واحد فالدنيا هاذي مجنني و ما فهمتوش؟ قالو صاحبو واش؟
قال المزطول : الحمار الوحشي ابيض ومخطط بأسود والا أسود ومخطط بأبيض

22-
هذا واحد البليد مشى لسبيتار باش يدير سكانير لقا واحد خاينة و هو يسولو فبن
جا السكانير قال ليه تلع فلسنسور صحيبن طلع فالسنسور
و بدا كيحيد فحويجو و ملي تحل باب ديال السنسور شفتو واحد الفرملية
و هي تخلعت وبدات تغوت قال ليها أويلي فياا الكونسيرررر

23-
هادي واحد الحفرة كل مرة تايطيح فيها واحد، واحد النهار اجتامعو الناس باش يلقاو شي حل (كولهم مكلخين) ناض الاول قالهم نديرو
شي فرملي فالحفرة باش ليطاح يتعالج تماك جا لاخر قاليهم لا نجيبو لامبيلونس تبقا حدا الحفرة
باش لي طاح يمشي نيشان لصبيطار ناض الثالث قاليهم لا نريبو داك الصبيطار او نبنيو واحد آخر
حدا الحفرة ناض واحد آخر قال ليهم لا نسدو ديك الحفرة او نحفرو وحدا أخرى قدام السبيطار

24-
هدا واحد الكسول مشى عنده باه هو يقوليه: واتش تقدر تكتب في الظلام ا الوالد قاليه: و اييييييييه علاش لا هو يقوليه: هاك الوالد سيني ليا على هده الورقة

25-
قلك واحد بشع شاف روحو في المرايا جاتو مكتوبة نعتدر على الصورة


26-
قلك واحد شرى تيليفيزيون كي شعلواجاه ماتش تع فووت راح جاب بيدون ماء و صبوا علي التيليفيزيون و قال كل واحد يروح يلعب قدام دارو

27-
واحد على فراش الموت يقول لزوجته انا اذا مت تزوجي جارنا محمود قلت ليه قال هو مره باعني بضاعة وغشني فيها


28-
اشترى بخيل ثلاثة برتقالات .. قطع الأولى فوجدها متعفنة فرماها ..
وقطع الثانية فوجدها أيضاً متعفنة فرماها ... فأطفأ النور وقطع الثالثة و أكلها

29-
قالكم مرة كاين واحد الشايب مريض قريب يموت وهو على الفراش عيط لاولادو باه ينصحهم وقالهم كل واحد يجيب معاه عصا صغيرة

ايا دارو عليه ولادوا وجابوا معاهم العصي عطا الشايب لواحد من ولادو 2 عصيات وقالوا كسرهم ايا ولدوا حكم كسرهم زاد عطالو 3 زاد كسرهم وبقى يزيدلوا حتى
وصل ل 9 عصيات قالوا هاك كسرهم قالك حكمهم الطفل هذاك زاد كسرهم !!!شاف فيهم باباهم وقالهم: روحوا يا ولادي مدام معاكم الجحش هذا ما نخافش عليكم

30-
قالك مرة وحد الراجل متزوج زوج نسا وحدة من ولاية ......ووحدة من ولاية...... وهوما ماشيين طريق طاحتلو السيارة اونبان. نزلت الاولى وقالتلو شوف بالاك لابوجي بالاك
الموتور بلاك...بالاك..بالاك...قالت الثانية كيفاه هذي تفهم خيرمني زعما تفهم في كلش راحت للراجل وقالتو ..يا راجل شوف شوف بالاك نسيت البرمي علابيها طاحة اومبان

31-
قالكم كاين واحد عندو الغنم بزاف بزاف بصح ما يصليش واحد المره جاه الامام
تاع المنطقة نتاعو وقالوا انت لوكان تزيد تصلي الغنم نتاعك يوليو الضعف
مالا هذاك السيد داه الطمع و عاد يصلي باه يزيد العدد نتاع الغنم وكل مرة يصلي يموتلوا
4ولا5والسيد صابر يقول ضرك يزيدو ضرك يزيدو حتى بقى ليه كبش واحد
فات عليه والكبش يقول بع بع بع بع بع بع بع ما حبش يسكت
دار عندو السيد وقالوا :بلع علي فمك تزيد تهدر نصلي عليك 2 ركعات نجيبك ميت

32-
قالك مرة سائق الحافلة دار اغنية التيتانيك

ايا بداو الركاب يطيشوا رواحهم بانتلهم راح يغرق الbus

33-
قالك وحد الخطرة وحد السيد اشرى كبش العيد قبل عيد الاضحى بشهرين امالا كانت العائلة كلها تدلل فيه وتلعب معاه حتى انه ياكل معهم و ينام معهم في المنزل و عشية
عيد الاضحى راح الكبش جبد روحو على العايلة و بدى يبكي جات العايلة سالتو واشبيك تبكي قالهم " قعدنا بلا عيد الناس اكل شراو الكباش غير احنا "

34-

هدا واحد الراجل صحيييح دايما كيمشي عند البقال و كيقول له :اعطيني كوكا ولا .....؟ و البقال كيخاف منه و كيعطيهالو بلا فلوس

جا واحد النهار البقال طلع ليه الدم و قال مع راسو و الله اليوم ما نخاف منه و اللي بغا يكون يكون . ايوا جا عنده ديك الراجل و قال له عطيني كوكا ولا ... ؟

جا البقال رد عليه :ولا شنو ؟؟؟؟ رد عليه الراجل و قال له: ولا فانتا

35-
واحد شرا صباط كبير عليه.. هوا يحتارموا
الرجوع الى أعلى الصفحة اذهب الى الأسفل
Directeur
المدير
المدير
avatar

عدد المساهمات : 457
نقاط : 884
تاريخ التسجيل : 13/09/2009
العمر : 29
الموقع : ksar el boukhari

مُساهمةموضوع: رد: من أروع النكت الجزائرية   الأربعاء أبريل 07, 2010 3:36 pm

hhhhhhhhhhh merco bcp

_________________







الرجوع الى أعلى الصفحة اذهب الى الأسفل
http://bougharisport.montadarabi.com
Gerrard
مشرف
مشرف
avatar

عدد المساهمات : 138
نقاط : 247
تاريخ التسجيل : 24/03/2010
العمر : 28

مُساهمةموضوع: رد: من أروع النكت الجزائرية   الخميس أبريل 08, 2010 12:23 am

de rien
الرجوع الى أعلى الصفحة اذهب الى الأسفل
footballeuse
المشرف العام للمنتدى
المشرف العام للمنتدى


عدد المساهمات : 435
نقاط : 666
تاريخ التسجيل : 15/02/2010
العمر : 23

مُساهمةموضوع: رد: من أروع النكت الجزائرية   الخميس أبريل 08, 2010 12:49 am

hhhhhhhhhhhhhhhhhhhhhhhhhhhhhhhhh
yakhi yakhi, surtous 9 , 4 et 17
merciiiiiiiiiiiiiiiiiiiiiiiii ............

_________________
Qui demande trop peu à la vie sera toujours deçu par elle. Jean Rostand
الرجوع الى أعلى الصفحة اذهب الى الأسفل
Gerrard
مشرف
مشرف
avatar

عدد المساهمات : 138
نقاط : 247
تاريخ التسجيل : 24/03/2010
العمر : 28

مُساهمةموضوع: رد: من أروع النكت الجزائرية   السبت أبريل 17, 2010 1:03 am

شكرا لكم جميعا على لردود الجميلة
الرجوع الى أعلى الصفحة اذهب الى الأسفل
footballeuse
المشرف العام للمنتدى
المشرف العام للمنتدى


عدد المساهمات : 435
نقاط : 666
تاريخ التسجيل : 15/02/2010
العمر : 23

مُساهمةموضوع: رد: من أروع النكت الجزائرية   السبت أبريل 17, 2010 1:19 am

de rien

_________________
Qui demande trop peu à la vie sera toujours deçu par elle. Jean Rostand
الرجوع الى أعلى الصفحة اذهب الى الأسفل
tatata
عضو نشيط
عضو نشيط
avatar

عدد المساهمات : 76
نقاط : 158
تاريخ التسجيل : 13/04/2010

مُساهمةموضوع: رد: من أروع النكت الجزائرية   الثلاثاء أبريل 27, 2010 8:30 pm

hhhhhhhhhhhh.......
الرجوع الى أعلى الصفحة اذهب الى الأسفل
 
من أروع النكت الجزائرية
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى قصر البخاري الرياضي :: مجالات متنوعة :: ترفيه-
انتقل الى: